Is enim comitiis praesidentialibus septimana vergente habitis sententiarum sexaginta duas centesimas (62%) sibi paravit.

Habuit sex competitores, e quibus Mustafa Barghouti, democrata activista nullis factionibus addictus, viginti votorum centesimas (20%) accepit.

Abbas, ubi primum de eventu percontationum ostiariarum audivit, se victorem electionum pronuntiavit et dixit se hunc triumphum tam animae Jasser Arafat quam omnibus Palaestinensibus dedicare.

(Reijo Pitkäranta)